الرئيسية
بسم الله الرحمن الرحيم
هنفضل من غير عقل ولا تفكير بنقلد الغرب فى حاجات ملهاش قيمة ياريت حد
يقولى ايه لزمة السنسلة والحظاظة والتاتو وغيرها...وغيرها من القاليع
الغريبة والمتنافية مع الدين ليه؟
وايه لزمتهالشعر الطويل للشباب ونسالهم يقولوا اقتداء بالرسول عليه الصلاة
والسلام ليه المبررات دى فين الوالدين من الاشياء دى ونسالهم يقولوا دول
شباب خليهم يعيشوا حياتهم انا مش معترضة بالعكس اكيد كل واحد لازم يعيش
حياته بس بالطريقة الصحيحة واللى تخليه قدوة ومثل للشاب المسلم القويم
لحد امتى ياشباب؟
هنفضل قاعدين متقاعسين عن العمل ومستنين الشغل لحاد عندنا ليه كل دة انت
ايه ومين علشان الشغل يدور عليك لاويقولك اصل انا معايا شهادة عالية بس
لازم يراعى ويشوف الازمة اللى فى بلدةه وهى ازمة البطالة دلوقت مبقاش فى
فرق بين واحد واخد شهادة عالية او لا كله فى المجتمع ده بقى سواسية لازم
نسعى ونجتهد ويكون لينا دور فعال
لحد امتى ياشباب؟
هتفضل مع البنت دى ودى وعايش حياتك بالطول والعرض انت ناسى ان عندك اخت
ووالدتك وانهم ممكن يتعرضوا للالعايب اللى انت بتمارسها مع البنات
المساكين لازم كل واحد يعمل وقفة مع نفسه ويشوف ايه الصح والغلط
لحد امتى يا شباب؟
لحد امتى انتى مش عايزة تلبسى الحجاب وتقولى ان ربنا لسه مش مقدر انى البس
الحجاب والدنيا حر وان انا جميلة من غير حجاب كل دى مبررات سخيفة لازم
نفكر بعقل واعى يحترم الدين ويراعى ربنا فى كل خطوة .
ياريت ياجماعة يكون موضوعى خفيف عليكوا وياريت تكتبوا ارائكم بصراحة شديدة .
