الرئيسية
(عنوان مربك ومخيف وبداية مش كويسة بعتذر عنها)
لكن مش موضوع أد ماهو حالة موجودة فكل نفس بشرية ممكن تكون تأثر وقت عليها
وممكن تفضل وياها دايما ومش تقدر تغيرها...
دايما اما بيتعمل توبيك هنا بيكون اسمه في الحب...بيتناقش فيه اجمل قلوب عرفت الحب الحقيقي.
-------------------------------
حبينا واتحبينا ضحينا وعملنا حاجات كتير عشان ناس اكتر...
كان الحب جوه القلب ميسعهوش الدنيا بحالها.. أما بنفكر فيه اوقات نلاقيه اكبر من القلب حتى!!
ساعات بنجرح الحب ده وساعات بيجرحنا..بنبكيه وبيحزن مننا..
حاجات كتير قوي بتحصل بين القلب والحب..بس بنقدر نسيطر ع الجراح دي
عالمشاكل اللي ممكن تكون النهاية..للقلب والحب ولكل شيء
بس برضه بيجي وقت خلاص بيبقه كل شيء فقد السيطرة على كل نبض في القلب
والجرح بقه اكبر ونزفه اكتر من اللي حسبنا حسابه..
بعد كل الكلام ده وممكن اكتر من كده كمان لكن التعبير دايما مش فصفي...
بعد كل ده
تفتكرو..فيه مكان للقلب يكره...ممكن يتبدل الحب كره..
ونتيجة الكرٌه ده تنعكس على حياتك كلها وتبقه عاوز تكون بره دايرة الحياة دي!!!؟
ايوه فيه مقولة بتقول(القلب اللي حب عمره مايكره)ودي بعد ايماني بربنا مؤمنه قوي بيها
لكن حقيقي!!!
ممكن تكون كرهت حد انت حبيته من كل قلبك..ولا انسان كان غالي قوي عندك؟!
ولاقلب كان قريب منك..ولا قريب متوقعتش يطعنك فضهرك من كتر منت مأمنلة..
ولا حتى ممكن يكون اخ شقيق..قريب ولاصديق..
وكل دول..جرحوك جرح لايمكن تنساة وبتكتشف ان الجرح ده بيزيد بااكتشاف حاجات
مكونتش شايفها من الأول..كانت عيوب لكن اللي جواك مش مصدقها او قلبك مزوقهالك..
حاولت تتغاضى..تنسى..تستمر بغباء مستميت..مقدرتش..بتداوية برضه مقدرتش
لو دورت جواك عن شيء ليهم تفتكرهم بالخير هتلاقي جوه الخير ده عيب من العيوب
فيه فمش هتلاقي خيركامل..لأن بكل بساطة
اتبدل كل اللي جواك عشانهم لكره وحقد أو مش حقد لكن كره وتتمنى اليوم
اللي ترد القلم قلمين..وممكن كتير قوي لو انت من الناس اللي فحبها بتتفانى في المغفرة وبتتسامح
يبقه اقل شيء هتتمناه ان ربنا هو اللي يجبلك حقك وان ربنا أسمه العدل والحكم
وانه قال(وعزتي وجلالي لاانصرنك ولو بعد حين)بااختصار توكل أمرك لله..
لأنك متعرفش تاخد حقك ولاتعرف ترد جرحك بس بيبقه جواك حاجة....
اقل حاجه..ممكن تقول جواك (بكرهك من كل قلبي)
موضوع بعتذر من قسوة كلماتة بقسوة ظروفة..
لكن الأكيد ان فيه قلوب مرت بحالة زي دي اياً كان القلب ومهما كان طيب...
في امان الله
